අද දින දේශීය දේපළ වෙළඳපොළේ ඔබ දකින ප්රධාන ප්රවණතා මොනවාද?
ශ්රී ලංකාවේ දේපළ වෙළඳපොළේ ප්රධාන ප්රවණතාවක් වන්නේ “කොම්පවුන්ඩ් ලිවින්” (compound living) සඳහා ඉල්ලුම ඉහළ යාමයි. මෙහිදී වාසස්ථාන සංවර්ධන ව්යාපෘතිවලට ජිම්, රෙටේල් වෙළඳසැල් සහ වැඩි දියුණු ආරක්ෂාව වැනි ඒකාබද්ධ පහසුකම් සම්මත අංග ලෙස ඇතුළත් වේ. අද දින ගනුදෙනුකරුවන් මූලික අවශ්යතා ඉක්මවා යන පහසුකම් අපේක්ෂා කරති. මෙවැනි “ඕල්-ඉන්-වන්” (all-in-one) ප්රජාවන් මඟින් දෛනික අවශ්යතා සඳහා වාසස්ථානයෙන් පිටතට යාම අවශ්යතාව අඩුවන අතර පහසුව සහ ආරක්ෂාව වැඩි වේ. නාගරීකරණය සහ මධ්යම පන්තියේ ආදායම් ඉහළ යාමත් සමඟ, විශේෂයෙන් කොළඹ වැනි නගරවල මෙම ඉල්ලුම ඉහළ යමින් පවතී.
එමෙන්ම ස්ථාවර තැන්පතු සහ ණය පොලී අනුපාත පහළ යාම නිසා දේපළ ආයෝජන වැඩිවී ඇත. ආයෝජකයින් දැන් දේපළ වෙළඳපොළ ස්ථාවර සහ ලාභදායී ආයෝජන වර්ගයක් ලෙස සලකති. විශේෂයෙන් විදේශගත ශ්රී ලාංකිකයින්, වාසිදායක තත්ත්වයන් සහ නම්යශීලී ගෙවීම් සැලසුම් හේතුවෙන් ආයෝජනයට සහ පෞද්ගලික භාවිතයට දේපළ මිලදී ගැනීමට වැඩි උනන්දුවක් දක්වති.
හයිබ්රිඩ් (hybrid) ඉදිකිරීම් ද තවත් වැදගත් ප්රවණතාවකි. මෙහිදී වාසස්ථාන, වාණිජ හා හරිත අවකාශ එක්ව සංයුක්තව සකස් කරනු ලබයි. මෙවැනි ව්යාපෘති තිරසාරභාවය, පහසුව සහ පාරිසරික වගකීම වැනි නවීන අවශ්යතා සපුරාලන අතර, විශේෂයෙන් නාගරික පරිසරවල වැඩ හා සේවා ස්ථානවලට ආසන්නව ජීවත් වීමට කැමති ගනුදෙනුකරුවන් අතර ජනප්රිය වේ.
තවද නම්යශීලී ගෙවීම් විකල්ප දේපළ වෙළඳපොළ වඩාත් ප්රවේශ විය හැකි කර ඇත. සංවර්ධකයින් මූල්ය ආයතන සමඟ එක්ව අඩු පොලී ණය සහ දිගුකාලීන වාරික සැලසුම් වැනි ආකර්ෂණීය විසඳුම් ලබාදෙමින් සිටිති. විශේෂයෙන් විදේශගත ශ්රී ලාංකිකයින්ට සහ පළමු වර ගෘහ හිමියන්ට මෙම මූල්ය පහසුකම් ඉතා ආකර්ෂණීය වන අතර, වෙළඳපොළ ක්රියාකාරීත්වය වැඩි කිරීමටත් දේපළ හිමිකම වැඩි පිරිසකට ලබාගත හැකි කිරීමටත් මෙය උපකාරී වේ.
මේ මොහොතේ මෙම ක්ෂේත්රයේ පාර්ශවකරුවන් මුහුණ දෙන අභියෝග මොනවාද? සහ ඔබේ ආයතනය ඒවා ජයගන්නේ කෙසේද?
ශ්රී ලංකාවේ දේපළ ක්ෂේත්රය ආර්ථික අස්ථාවරතාවය, ඉදිකිරීම් ද්රව්ය මිල ඉහළ යාම සහ නියාමන අනුමත කිරීම් ප්රමාද වීම වැනි අභියෝග රැසකට මුහුණ දෙමින් සිටී. මේවා මිලදී ගන්නන්ට සහ සංවර්ධකයින්ට සෘජුවම බලපායි. ප්රයිම් ලෑන්ඩ්ස් ආයතනය මෙම අභියෝග ජය ගැනීමට නවෝත්පාදන සහ ක්රියාශීලී විසඳුම් යොදාගෙන උපායමාර්ගික ප්රවේශයක් අනුගමනය කරයි.
ප්රධාන අභියෝගයක් වන්නේ ගෝලීය සැපයුම් දාම බාධා සහ උද්ධමනය නිසා ඉදිකිරීම් වියදම් ඉහළ යාමයි. මෙයට විසඳුමක් ලෙස ප්රයිම් ලෑන්ඩ්ස් “value engineering” ක්රමවේදය භාවිතා කරමින් ගුණාත්මකභාවය අඩු නොකර වියදම් අවම කරයි. ඉදිකිරීම් ක්රියාවලි ප්රශස්ත කිරීම සහ වියදම්-ඵලදායී ද්රව්ය භාවිතය මඟින් වියදම් පාලනය කරයි. එමෙන්ම, ද්රව්ය තොග වශයෙන් මිලදී ගැනීම මඟින් වඩාත් හොඳ මිල ගණන් ලබාගෙන ගනුදෙනුකරුවන්ට සාධාරණ මිල පවත්වා ගැනීමට හැකි වේ.
තවත් වැදගත් ගැටලුවක් වන්නේ මූල්ය ද්රවශීලතාවය සහ ණය එකතු කිරීමේ ගැටලුය. ජීවන වියදම් ඉහළ යාම නිසා ගනුදෙනුකරුවන්ගේ ගෙවීම් හැකියාවට පීඩනයක් ඇති වේ. මෙයට විසඳුමක් ලෙස ප්රයිම් ලෑන්ඩ්ස් නම්යශීලී ගෙවීම් සැලසුම් සහ මූල්ය පහසුකම් ලබාදෙයි.
අපගේ 1% මාසික වාරික සැලසුම මඟින් නිවාස හිමිකම මූල්යමය වශයෙන් පහසු කරයි. මෙහිදී ඉදිකිරීම් කාලය තුළ කුඩා ගෙවීම් සිදුකරන අතර, ව්යාපෘතිය අවසන් වූ පසු වැඩි කොටස ගෙවීමට සැලසුම් කර ඇත. මෙම නම්යශීලීභාවය ප්රයිම් ලෑන්ඩ්ස් ආයතනයේ මූල්ය ශක්තියද පෙන්නුම් කරයි.
මෙම ප්රවේශය ගනුදෙනුකරුවන්ට සහාය වීම පමණක් නොව, දිගුකාලීන විශ්වාසය වර්ධනය කරමින් ණය අවදානම් අවම කිරීමටද උපකාරී වේ.
ඔබගේ ආයතනය විසින් සිදු කර ඇති නවතම ව්යාපෘති මොනවාද?
ප්රයිම් ලෑන්ඩ්ස් ආයතනය අපගේ ප්රමුඛතම ව්යාපෘතියක් වන “YOLO by Prime Group” ඉදිරිපත් කිරීමට ආඩම්බර වේ. ශ්රී ලංකාවේ පළමු නවීන home apartment city එක ලෙස YOLO, “playful luxury” ජීවන රටාවක් ලබාදෙන අතර, ඉන්ෆිනිටි පිහිනුම් තටාකය (pool bar එකක් සමඟ), බෝලින්ග් අලී, එළිමහන් rooftop theatre එකක් සහ අනාගතමය සැලසුම් අංග වැනි නවීන පහසුකම් ඇතුළත් වේ. කිරිබත්ගොඩ සහ කඩවත highway interchange එක ආසන්නයේ උපායමාර්ගිකව පිහිටා ඇති YOLO, අසමසම පහසුවක් ලබාදෙයි.
මෙය සුඛෝපභෝගී ජීවන රටාවක් පමණක් නොව, 110% ආයෝජන ප්රතිලාභයක් (ROI) ලබාදෙන ශක්තිමත් දේපළ ආයෝජනයක් ලෙසද කැපී පෙනේ. සුඛෝපභෝගීත්වය, උපායමාර්ගික පිහිටීම සහ ආයෝජන හැකියාව එක්වීම නිසා මෙය දේශීය සහ විදේශීය ආයෝජකයින් සඳහා ඉතා ආකර්ෂණීය තේරීමකි.
එමෙන්ම ප්රයිම් ලෑන්ඩ්ස් නගර සීමාවෙන් පිටත උප නාගරික ප්රදේශවලටද ව්යාප්ත වෙමින්, නගර මධ්යස්ථානවලට පහසුවෙන් ප්රවේශ විය හැකි වාසස්ථාන සඳහා වැඩිවන ඉල්ලුම සපුරාලන ව්යාපෘති සංවර්ධනය කරමින් සිටී. මෙම උත්සාහයන් මඟින් විවිධ ගනුදෙනුකරුවන් සඳහා උසස් තත්ත්වයේ නවෝත්පාදන ජීවන අවකාශ ලබාදීමට අපගේ කැපවීම පිළිබිඹු වේ.
ඔබගේ ආයතනයේ දේපළ පරාසය සහ සේවා ලබාදීමේදී විශ්වසනීයත්වය සහ කාලීන බෙදාහැරීම ඔබ සහතික කරන්නේ කෙසේද?
ප්රයිම් ලෑන්ඩ්ස් ආයතනය “Prime Construction” නම් අපගේම ඉදිකිරීම් අංශය හරහා විශ්වසනීයත්වය සහ කාලීන ව්යාපෘති බෙදාහැරීම සහතික කරයි. මෙම අංශය මඟින් ගුණාත්මකභාවය සහ ව්යාපෘති කාලසටහන් පිළිබඳ දැඩි පාලනයක් පවත්වාගත හැක. දක්ෂ කම්කරුවන්ගේ කණ්ඩායමක් සහ විශ්වාසනීය සැපයුම්කරුවන් සමඟ ඇති ශක්තිමත් සබඳතා මඟින් ද්රව්ය කාර්යක්ෂමව ලබාගෙන ඉදිකිරීම් ක්රියාවලිය බාධාවකින් තොරව සිදු කරයි.
ආර්ථික අර්බුදය අතරතුර පවා, බොහෝ තරඟකරුවන් ප්රමාදයන්ට ලක්වූ අවස්ථාවේදීත්, ප්රයිම් ලෑන්ඩ්ස් “The Grand Ward Place”, “Prime Villas Dalugama”, “Beachfront 2 Uswetakeiyawa” සහ “Prime Villas Nugegoda” වැනි ප්රධාන ව්යාපෘති කාලයට අනුව සාර්ථකව භාරදී ඇත. තවද, “Clover Thalawathugoda”, “Water Estate Bolgoda” සහ “Scottish Island Digana” වැනි නව ව්යාපෘති වසර අවසානය වන විට අවසන් කිරීමට සැලසුම් කර ඇත. මෙය ආයතනයේ ශක්තිමත් ව්යාපෘති කළමනාකරණය සහ මූල්ය ශක්තිය පිළිබිඹු කරයි.
ප්රයිම් ලෑන්ඩ්ස් ආයතනයේ විනිවිදභාවය සහ පාරිභෝගිකයින් සමඟ විවෘත සන්නිවේදනයද විශ්වසනීයත්වය තවදුරටත් ශක්තිමත් කරයි. ව්යාපෘති කාලසටහන පවත්වා ගැනීමටත්, ඇතිවිය හැකි බාධා ඉක්මනින් විසඳා ගැනීමටත් ආයතනයට ඇති මූල්ය ශක්තිය ඉතා වැදගත් වේ.
අපගේ විශේෂත්වය වන්නේ විකුණුම් පසු සේවාවයි. දේපළ භාරදීමෙන් පසුද පාරිභෝගිකයින්ට අඛණ්ඩ සහාය ලබාදීම මඟින් විශ්වාසය සහ මනසට සැනසීම ලබාදෙයි. මෙම පාරිභෝගික කේන්ද්රීය ප්රවේශය, ක්රියාකාරී කාර්යක්ෂමතාවය සහ උපායමාර්ගික ව්යාපෘති කළමනාකරණය සමඟ එක්ව, ප්රයිම් ලෑන්ඩ්ස් ආයතනය දේපළ ක්ෂේත්රයේ විශ්වාසනීය නායකයකු ලෙස තවදුරටත් ශක්තිමත් කරයි.
.jpg)